កែវ រំចង់ និងឯម ខ្លឹមខ្មៅ វ៉ៃ​កីឡាករ​ប្រេស៊ីល​បែក​ឈាម ខណៈ​ឡុង សុភី ឈ្នះ​ដោយ​ពិន្ទុ

កីឡាករប្រដាល់កម្ពុជា ៣រូប រួមមាន កីឡាករ កែវ រំចង់, ឯម ខ្លឹមខ្មៅ និង ឡុង សុភី សុទ្ធតែទទួលបានជ័យជំនះទៅលើ កីឡាករជនជាតិប្រេស៊ីល ៣ រូបផ្សេងទៀត ក្នុងការប្រកួតមិត្តភាពអន្តរជាតិ ក្នុងកម្មវិធីខ្មែរហ្វៃធឺ (Khmer Fighter) កីឡាដ្ឋាន ប៊ីឡាញ អារ៉េណា (Beeline Arenna) កាលពីយប់ ថ្ងៃទី២៦ ខែមេសា យប់ម៉ិញ។

គូទី១ អ្នកប្រដាល់ជង្គង់ទិព្វ ឡុង សុភី បានយកឈ្នះអ្នកប្រដាល់ប្រេស៊ីល លីអូ មុនតេរ៉ូ (Leo Montero) ដោយពិន្ទុ ក្នុងការ​ប្រកួត ក្នុងប្រភេទទម្ងន់ ៦៥គីឡូក្រាម។ ឡុង សុភី ចាប់ផ្តើមវាយកណ្តាប់ដៃនៅទឹកទី១ តែត្រូវ មុនតេរ៉ូ វាយបកមកវិញចំៗ គោលដៅជាង។

នៅទឹកទី២ សុភី ចាប់ផ្តើមប្រើស្នៀតពិសេសរបស់ខ្លួន ដោយព្យាយាមអ៊ុកជង្គង់ទៅអ្នកប្រដាល់ប្រេស៊ីលរូបនោះ។ ពិតជា​ដូចរហ័សនាមមែន ឡុង សុភី ប្រើជង្គង់អ៊ុកពេញៗ តាំងតែពីទឹកទី២ រហូតដល់ទឹកទី៥ តែទោះជាយ៉ាងណា មិនអោយ​កីឡាករប្រេស៊ីល សន្លប់បានទេ ដោយបានត្រឹមតែឈ្នះពិន្ទុ តែប៉ុណ្ណោះ។

រីឯម្ចាស់ខ្សែក្រវ៉ាត់ក្នុងប្រភេទ ៦៥គីឡូក្រាបរបស់កម្ពុជា ឯម ខ្លឹមខ្មៅ បានឈ្នះអ្នកប្រដាល់ប្រេស៊ីល អាឡិច ប្លីន (Alex Blin) នៅក្នុងទឹកទី៤ ដោយវ៉ៃឲ្យកីឡាករប្រេស៊ីលរូបនោះ បែកឈាមហូរពេញខ្លួន។

អ្នកប្រដាល់កែងស្រួច ឯម ខ្លឹមខ្មៅ បានប្រើកណ្តាប់ដៃវ៉ៃសង្គ្រប់ទៅលើ អាឡិច ប្លីន តាំងតែពីទឹកទី១ និងទឹកទី២។ នៅទឹក​ទី៣ ខ្លឹមខ្លៅ បានប្រើជើងធាក់មួយៗ ទៅលើអាឡិច និងព្យាយាមវ៉ៃកណ្តាប់ដៃតាមពីក្រោយ ខណៈដែលកីឡាករ​ប្រេស៊ីល​រូបនេះ អស់ជំហរ។ នៅដើមទឹកទី៤ ខ្លឹមខ្មៅ បានប្រើកែង ដែលជាក្បាច់ពិសេសរបស់ខ្លួន ធ្វើឲ្យអាឡិច ប្លីន បែកក្បាល​ឈាមជោគខ្លួន ហើយត្រូវបានក្រុមគ្រូពេទ្យជួយពិនិត្យ និងជូតឈាមចេញ។

ឯម ខ្លឹមខ្មៅ បានព្យាយាមវ៉ៃកែង និងកណ្តាប់ដៃទៅលើស្នាមរបួស អាឡិច បន្ថែមទៀត ទើបធ្វើឲ្យឈាមកាន់តែហូរខ្លាំង ហើយត្រូវបានគ្រូពេទ្យជូតចេញម្តងទៀត ក៏ឲ្យប្រកួតជាបន្ត។ ខ្លឹមខ្មៅ នៅតែចាប់ឱកាសរបស់ខ្លួន ដោយវ៉ៃសង្គ្រប់​ទៅ​លើ​ផ្ទៃមុខ និងស្នាមរបួសរបស់កីឡាករប្រេស៊ីល ទើបធ្វើឲ្យអាជ្ញាបញ្ឈប់ត្រឹមទឹកទី៤ ព្រោះឈាមហូរខ្លាំងពេក។

ចំណែកគូឯក នៅរាត្រីនោះ ម្ចាស់ខ្សែក្រវ៉ាត់៤កម្មវិធី កែវ រំចង់ បានឈ្នះកីឡាករប្រេស៊ីល អាឌីលតុន ហ្វ្រេតាស (Adaylton Freitas) នៅទឹកទី៣ ដោយកីឡាករ អាឌីលតុន បែកក្បាលហូរឈាមខ្លាំង មិនអាចបន្តការប្រកួតតទៅទៀតបានដែរ ដែល​ជាការប្រកួតគ្នាក្នុងប្រភេទទម្ងន់ ៧០គីឡូក្រាម។

អ្នកប្រដាល់កម្លាំងយក្ស កែវ រំចង់ បានប៉ះជាមួយនឹង កំពូលអ្នកប្រដាល់ឆ្នើមរបស់ប្រេស៊ីល ហើយដោយសារតែកម្ពស់ រំចង់ ទាបជាងបន្តិចផងនោះ ស្ទើរតែធ្វើឲ្យអ្នកប្រដាល់ឆ្នើមរបស់កម្ពុជារូបនេះ ចាញ់ទៅហើយ បន្ទាប់ពីកីឡាករប្រេស៊ីល ប្រើកែងបកចំមួយទំហឹង ហើយធ្វើឲ្យអាជ្ញាកណ្តាលរាប់ កែវ រំចង់ ដល់៨ លើកទី១ នៅទឹកទី២។

តែកំពូលអ្នកប្រដាល់កម្ពុជា ដែលប្រកួតអន្តរជាតិកន្លងមក មិនដែលចាញ់រូបនេះ ពិតជាមិនធ្វើឲ្យអ្នកគាំទ្ររបស់ខ្លួន អស់​សង្ឃឹមនោះទេ។ រំចង់ បានលោតកែង មួយទំហឹងចំពីលើក្បាល អាឌីលតុន ដោយសារតែផ្ទុះកំហឹងខ្លាំងពេក ហើយបាន​ធ្វើឲ្យកីឡាករប្រេស៊ីល បែកឈាមខ្ចាយព្រាតតែម្តង ហើយក៏ត្រូវអាជ្ញាកណ្តាលបញ្ចប់ការប្រកួត នៅចុងទឹកទី៣៕

This entry was posted in ព័ត៌មានកីឡា. Bookmark the permalink.

Enter your Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s